«Uly Aziýa» media topary hem-de Türkmenistanyň Telewideniýe, radiogepleşikler we kinematografiýa baradaky döwlet komiteti maglumatlar ulgamynda özara hyzmatdaşlyk etmek hakynda şertnama gol çekdiler. Resminama gol çekmek dabarasy Aşgabatda geçen «Türkmen topragy – gadymy medeniýetiň merkezi» atly mediaforumyň çäginde guraldy.
Taraplar şertnamanyň çäginde birek-biregi teleýaýlymlarynyň, saýtlarynyň we sosial ulgamlarynyň çeşmeleri bilen üpjün etmek barada ylalaşdylar. Şol sanda, Döwlet komiteti «Uly Aziýa» teleýaýlymyna Türkmenistanyň taryhy, medeniýeti, däp-dessurlary, ýaşaýyş durmuşy, ylym we tehnologiýa, syýasat, ykdysadyýet, işewürlik, syýahatçylyk hem-de sport boýunça rus dilindäki telewizion gepleşiklerdir makalalar bilen üpjün eder. Bu maglumatlar «Uly Aziýa» teleýaýlymynda, şeýle hem «bigasia.ru» saýtynyň «Aziýanyň ýurtlary» rubrikasyndaky Türkmenistan baradaky habarlarda we bölümde peýda bolar.
Taraplar B2B we B2G segmentlerinde maglumat goldawyna we taslamalaryň hereketine gönükdirilen bilelikdäki gurama hem-de çärelere gatnaşmak hakynda ylalaşyk gazandylar.
Söhbetdeşligiň soňunda iki tarapyň ýolbaşçylary şertnama gol çekdiler.
