GDA-nyň Hökümet Baştutanlary Geňeşiniň mejlisiniň çäginde mejlise gatnaşyjylar 2035-nji ýyla çenli döwür üçin energiýa pudagynda hyzmatdaşlyk konsepsiýasyny we ony durmuşa geçirmek üçin ileri tutulýan çäreler meýilnamasyny ara alyp maslahatlaşdylar we tassykladylar.
Bellenilişi ýaly, resminamalar ykdysady, söwda, ylmy, tehniki, durmuş, daşky gurşaw we döwlet howpsuzlygy meselelerini öz içine alýan GDA agza ýurtlarynyň energiýa pudagyndaky özara täsirini hasam çuňlaşdyrmaga, şeýle hem milli ykdysadyýetleriň durnukly ösüşi üçin şertler döretmäge gönükdirilendir.
