2024-nji ýylyň maý aýynyň 6-11 -i aralygynda geçirilen Nazary mehanika dersi boýunça talyplaryň 3nji Açyk halkara internet olimpiadasynda ýokary okuw mekdebimiziň talyplary üstünlikli çykyş etdiler.
Şahsy bäsleşige 650-ä golaý talyp gatnaşyp, iň ýokary netijäni Moskwanyň fiziki tehniki institutynyň talyplary görkezdi. Olar bilen bir hatarda institutymyzyň talyby Suwhanberdiýew Döwletiň hem ýokary netije görkezmegi bellemäge mynasypdyr.
Talyplarymyz Suwhanberdiýew Döwlet, Ýazjumaýewa Aýna, Gylyçgeldiýewa Gyzylgül, Babamuradow Şohrat Şahsy bäsleşikde birinji orun eýelemegi başardylar. Ýeri gelende bellesek, olar 22-26-njy aprelda Belarus Respublikasynyň Gomel şäherinde geçirilen Nazary mehanika dersi boýunça talyplaryň 18-nji halkara olimpiadasynda hem şowly çykyş edip, ählisi hem bürünç medala mynasyp bolupdy. Toparlaýyn bäsleşikde institutymyza wekilçilik eden TDEI-1 we TDEI-2 toparlaryň ikisi hem ikinji orna mynasyp boldular.
Şahsy bäsleşigiň netijesi boýunça Türkmenistanyň Döwlet energetika institutynyň talyplary Hojamgulyýewa Mylaýym, Gurbangeldiýewa Gülşat we Azadowa Mähriban dagylar ikinji orna mynasyp boldy. Olar hem Russiýa Federasiýasynyň Mari El respublikasynyň Ýoşkar -Ola şäheriniň guramagynda Aprel aýynyň 5-ne geçirilen Açyk halkara internet olimpiadasynda şowly çykyş etdiler.
Her ýylda Halkara Bitaraplyk baýramy mynasybetli Türkmenistanyň Bilim ministrliginiň guramagynda Ýurdumyzyň ýokary okuw mekdepleriniň talyplarynyň arasynda geçirilýän bäsleşigiň Nazary mehanika ugry boýunça bassyr iki ýyl birinjiligi eýeläp gelýän institutymyzyň talyplaryna indiki bäsleşiklerde-de has uly üstünlikleri arzuw edýäris.
Amangül BATYROWA
Türkmenistanyň Döwlet
energetika institutynyň talyby
