Programmalaşdyrmagyň dili bu çözülýän meseleleriň algoritmini kompýutere geçirmäge mümkinçilik berýän programmalaryň toplumydyr. Adamlaryň gepleşik diliniň düzgünleriniň bolşy ýaly, programmalaşdyrmagyň diliniň hem öz grammatikasy, sintaksisi hem-de öz düzümi bardyr.
Adatça, programmalaşdyrmagyň dili döredilende esasy öňde goýulýan maksat aňsat pikirlenmäni amala aşyrmakdyr. Programmalaşdyrmagyň obýektlere gönükdirilen dilleri bu maksada niýetlenendir. Goýlan me-seläni çözmegiň özi bu meselä degişli dünýäniň beýanyny özünde saklaýar. Şonuň üçin, hakykaty biri-biri bilen baglanyşykly obýektleriň ul-gamlary hökmünde göz öňüne getirmek tebigydyr. Obýektler, köplenç, abstrakt görnüşde bolsa-da, olary häsiýetler toplumy boýunça tanamak aňsatdyr. Häzirki döwürde esasy programmalaşdyrmagyň obýektlere gönükdirilen dillerinden Delphi, Visual C, Visual Basic, Java (türk-mençe Delfi, Wižual Si, Wižual Beýsik, Ýawa diýlip okalýar) ýalylaryň giňden ulanylýandyklaryny belläp geçmek bolar.
Permanberdi JEPBARBERDIÝEW
Türkmenistanyň Inžener-teniki we
ulag kommunikasiýalary institutynyň talyby
