Ýaponiýada käbirlerinde syçan galyndylarynyň tapylmagy sebäpli 100 müňden gowrak gaplanan çörek konfiskasiýa edildi.
Ýaponiýanyň iň meşhur kompaniýalarynyň biri bolan Pasko Şikişima tarapyndan öndürilen gaplanan çörekleriň ikisinde syçan galyndylary tapyldy. Kompaniýanyň beren beýanatynda bu wakanyň 5-nji we 7-nji maýda müşderiler tarapyndan iberilen elektron poçtalary sebäpli ýüze çykandygy aýdyldy.
Soňky habarlardan soň, bazardan möhleti 7-11-nji maý aralygynda bolan jemi 104 müň paket çöregiň ýygnalandygy mälim edildi.
Beýannamada “Müşderilerimizden, işewür hyzmatdaşlarymyzdan, degişli adamlardan we guramalardan ýüze çykan oňaýsyzlyklar üçin ötünç soraýarys. Bu ýagdaýyň gaýtalanmazlygy üçin elimizden gelenini ederis we hil gözegçiligimizi hasam kämilleşdireris”.
Bu waka bilen baglanyşykly hiç hili saglyk problemasy ýüze çykmandygy nygtalsa-da, şikaýat edilýän çörekleriň öndürilen Tokionyň zawodynda önümçiligiň wagtlaýyn togtadylandygy we düýpli derňewiň başlandygy aýdylýar.
