Ýurdumyzyň Lebap welaýatynyň daýhanlary 2024-nji ýylda 1 müň 400 gektar ýerde ýazlyk ýeralma ekip, ondan 19 müň 778 tonna ýeralma hasylyny aldylar. Bu barada Türkmenistanyň resmi metbugaty 12-nji iýunda habar berdi.
Habarda bellenilişi ýaly, her bir gektaryň hasyllylyk derejesi 143 sentnere golaýlady.
Şu möwsümde Lebap welaýatynyň Çärjew etrabynda 480 gektar ýerde ýeralma ekilip, ondan 6 müň 735 tonna, Dänew etrabynda 350 gektar ýerden 4 müň 960 tonna, Saýat we Halaç etraplarynda degişlilikde 300 hem-de 130 gektar ýerde ýeralma ekilip, ondan 4 müň 247 we 1 müň 857 tonna hasyl alyndy.
Ýygnalan ýeralma hasyly bazarlarda we dükanlarda alyjylara elýeterli bahalardan hödürlenýär we onuň galan bölegi bolsa «Miwe» oba hojalyk senagat birleşiginde degişli ýöriteleşdirilen sowadyjy ammarlara iberildi diýip, habarda bellenilýär. Şeýle hem ýurdumyzyň gündogar sebitinde şu ýyl sogan, pomidor, hyýar, kelem, käşir ýaly gök önümler hem-de bakja ekinleri ekilip, ondan bol hasyl almaklyk meýilleşdirilýär.
