Täze enjamlaryň 14 we 16 dýuýmlyk wersiýalary bar. 14 dýuýmlyk modeliň agramy bary-ýogy 1,16 kg we galyňlygy 10,9 mm bolup, ony bazardaky iň ýeňil noutbuklaryň birine öwürýär. 16 dýuýmlyk wersiýa birneme galyň (12,3 mm) we has agyr (1,55 kg).
Iki model hem 120 Hz täzelenme tizligini we HDR goldawy bilen 3K (2880 x 1800 piksel) durulykda AMOLED displeýleri aldy. Ekranlar 500 nite çenli ýagtylygy üpjün edýär, 120% DCI-P3 reňk giňişligini gurşap alýar we 10 galtaşmaly multitaç goldawly sensor dolandyrylyşy bar.
Galaxy Book4 Edge degişlilikde 16 Gb RAM we kuwwatlylygy 55,9 Wth we 61,8 Wth bolan batareýalar bilen üpjün edilendir. Portlar toplumyna iki USB4, HDMI 2.1, gulaklyklar üçin 3,5 mm jack girýär we 16 dýuýmlyk wersiýasynda USB 3.2 Type-A we microSD ýat kartalary üçin ýer bar.
Samsung Galaxy Book4 Edge 18-nji iýunda Fransiýa, Germaniýa, Italiýa, Günorta Koreýa, Ispaniýa, Angliýa we ABŞ ýaly dürli bazarlarda satylyp başlanar.
Gizmochina habar berýär.
