2024-nji ýylyň 14-nji iýunynda badalga aljak XVII Ýewropa çempionatyna gatnaşýan ýygyndylaryň transfer bazaryndaky bahalary esasynda olaryň gymmaty hasaplandy. Bu barada «Transfermarkt» saýtynyň maglumatlaryna salgylanylyp, Türkiýäniň «AA» habarlar agentligi sanawda iň gymmat topar diýip Angliýanyň ýygyndysyny belleýär. Çempionlygyň esasy dalaşgärlerinden biri bolan Angliýanyň düzümindäki 26 futbol türgeniniň bahasy 1,52 milliard ýewro deňdir. Bu babatda Fransiýa 1,23 milliard ýewro bilen II orunda, 1,05 milliard ýewro gymmaty bolan Portugaliýa bolsa III orunda durýar.
100 million ýewro hem ýetmeýän gymmaty bilen Rumyniýanyň ýygyndysy sanawyň ahyrynda görkezilýär.
Umumylykda alanymyzda çempionata gatnaşýan 24 ýygyndynyň gymmaty 11 milliard 381 million ýewro barabardyr. Has takygy sanaw aşakdaky ýaly görkezilýär:
1. Angliýa – 1,52 milliard ýewro;
2. Fransiýa – 1,23 milliard ýewro;
3. Portugaliýa – 1,05 milliard ýewro;
4. Ispaniýa – 965,5 million ýewro;
5. Germaniýa – 851 million ýewro;
6. Niderlandlar – 765 million ýewro;
7. Italiýa – 705,5 million ýewro;
8. Belgiýa – 584,5 million ýewro;
9. Daniýa – 415,5 million ýewro;
10. Ukraina – 379 million ýewro;
11. Horwatiýa – 327,7 million ýewro;
12. Türkiýe – 324,1 million ýewro;
13. Serbiýa – 313,4 million ýewro;
14. Şweýsariýa – 281,5 million ýewro;
15. Awstriýa – 237 million ýewro;
16. Polşa – 210,3 million ýewro;
17. Şotlandiýa – 207,4 million ýewro;
18. Çehiýa – 185,9 million ýewro;
19. Wengriýa – 165,45 million ýewro;
20. Gruziýa – 161,05 million ýewro;
21. Slowakiýa – 156,4 million ýewro;
22. Sloweniýa – 141,55 million ýewro;
23. Albaniýa – 111,6 million ýewro;
24. Rumyniýa – 92,13 million ýewro.
