Türkmenistanyň Prezidentiniň gol çeken Permanyna laýyklykda, Jumamyrat Şamyradowiç Gurbangeldiýew Türkmenistanyň bilim ministri wezipesine bellenip, ol Türkmenistanyň Daşary işler ministrliginiň Halkara gatnaşyklary institutynyň rektory wezipesinden boşadyldy. Bu barada «Watan» habarlar gepleşiginde habar berildi.
Ozal habar berşimiz ýaly, mundan ozal Türkmenistanyň bilim ministri wezipesini Baýramgül Orazdurdyýewa ýerine ýetiripdi, ol Türkmenistanyň Ministrler Kabinetiniň Başlygynyň orunbasary wezipesine bellenildi.
