2024-nji ýylyň 26-njy sentýabrynda Nýu-Ýork şäherinde iş saparynyň çäklerinde Türkmenistanyň daşary syýasat edarasynyň ýolbaşçysy Serbiýa Respublikasynyň Daşary işler ministri Marko Žuriç bilen gepleşikler geçirdi. Bu barada Türkmenistanyň daşary işler ministrliginiň resmi web saýtynda 27-nji sentýabrynda habar berildi.
Söhbetdeşligiň dowamynda taraplar iki ýurduň özara gatnaşyklaryň giňeldilmegine we hyzmatdaşlygyň hukuk binýadynyň pugtalandyrylmagyna bilelikdäki ygrarlydygyny beýan etdiler. Türkmenistanyň we Serbiýanyň bar bolan mümkinçilikleri durmuşa geçirmäge gyzyklanýandygy tassyklanyldy.
Habarda bellenilişi ýaly, taraplar söwda-ykdysady gatnaşyklary ösdürmegiň mümkinçiliklerini gözden geçirdiler we ikitaraplaýyn aragatnaşyklaryň meýilnamasyny ara alyp maslahatlaşdylar.
Duşuşygyň ahyrynda Türkmenistanyň Daşary işler ministrliginiň Halkara gatnaşyklary institutynyň Serbiýa Respublikasynyň Daşary işler ministrliginiň Diplomatik akademiýasy bilen hyzmatdaşlyk baradaky Ähtnama gol çekildi.
