14-18-nji oktýabr aralygynda Özbegistan Respublikasynyň Daşkent şäherinde häzirki zaman sungatynyň X Daşkent biýennalesi geçirildi.
15-nji oktýabrda bolsa Özbegistanyň Milli bankynyň şekillendiriş sungaty galereýasynda Ýewraziýa ýurtlaryň suratkeşleriniň sergisi geçirildi. Sergide nakgaş eserleri, wideo sungaty, heýkel eserleri, foto suratlardan ybarat bolan şekillendiriş sungaty sergi zalyny bezedi. X Daşkent biýennalesine Türkmenistandan wekilçilik edip Türkmenistanyň Döwlet çeperçilik akademiýasynyň mugallymy Goçmyradow Gahryman özüniň eserleri bilen gatnaşdy.
