26-njy noýabrda Aşgabatda geçirilen “Halkara ulag we üstaşyr geçelgeler: özara baglanyşyk we ösüş” (ITTC-2024) konferensiýasynda TRACECA-nyň baş sekretary Aset Asawbaýew çykyş edip, halkara logistika hyzmatdaşlygynyň netijeliligini ýokarlandyrmak üçin ulag infrastrukturasy modernizasiýasynyň ähmiýeti barada pikirini aýtdy.
Asawbaýewiň pikiriçe, Türkmenistany Azerbaýjan, Eýran we Türkiýe bilen birleşdirýän Transkaspian halkara ulag ugruna (“Lazurit geçelgesi”) aýratyn rol degişlidir. Ol bu geçelgäniň mundan beýläkki ösüşi üçin taslama gatnaşyjy ýurtlaryň ählisiniň hyzmatdaşlygyny güýçlendirmegiň zerurdygyny belledi.
TRACECA-nyň baş sekretary, şeýle hem, elektron ulag resminamalaryna geçmek meselesine degindi. Asawbaýew, munuň halkara logistikanyň ösmegine ýardam berjekdigini, multimodal ugurlaryň döwrebaplaşdyrylmagynyň we ulag ulgamyna häzirki zaman tehnologiýalarynyň ornaşdyrylmagynyň Merkezi Aziýa we Hazar sebitlerini birleşdirjekdigini, döwletleriň arasyndaky ykdysady gatnaşyklary pugtalandyrjakdygyny nygtady.
