Astrahan döwlet uniwersitetinde 26-njy noýabrda gündogar şahyry Magtymguly Pyragynyň 300 ýyllygyna bagyşlanan döredijilik agşamy geçirildi. Türkmen talyplary myhmanlara aýdym-saz çykyşlaryny görkezdiler we goşgular okadylar.
Çärä Türkmenistanyň Astrahandaky konsuly Gadam Ilamanow, Russiýanyň DIM-niň diplomatik wekili, Astrahan döwlet uniwersitetinde okaýan türkmen talyplary gatnaşdylar.
Mundan başga-da, çäräniň çäklerinde Gadam Ilamanow türkmen talyplary bilen duşuşyk geçirdi. Diplomat kanunçylyga eýermegiň möhümdigini belläp, watandaşlaryny uniwersitetiň medeni we sport durmuşyna işjeň gatnaşmaga çagyrdy.
