Türkmen halky özüniň uzak taryhy döwründe dünýäniň maddy we medeni hazynasy-na hiç mahal gaýtalap döredip bolmajak birnäçe milli gymmatlyklary goşupdyr. Şolaryň biri-de, hormatly Prezidentimiz Gurbanguly Berdimuhamedowyň juda adalatly belleýşi ýaly, gamyşgulak bedew atlarymyzdyr.
Ak ýoly bilen, ak aty bilen türkmen halkyny bagtyýar günlere alyp barýan paýhasly, dana Arkadagymyzyň akylly edewi çagalykdan, ýaşlykdan özüne ýakyn dost saýandygy, çyrpynyp duran bedew ata ussatlyk bilen erk edýändigi aýratyn bellemäge mynasypdyr.
Ahalteke bedewleri gadymy pederleri-miz tarapyndan mundan birnäçe müň ýyl ozal döredilipdir. Olary dünýäniň birnäçe döwletleri özleriçe dürli-dürli atlandyrypdyrlar.Ahalteke atlary türkmen halkynyň milli guwanjy bolup, dünýä atçylygynda iň gadymy tohumlaryň biri hasaplanýar. Bu tohum ilki «Türkmen atlary» hökmünde tutuş Ýer ýüzünde giňden tanalypdyr. Soňra ençeme asyrlaryň aýlanyp, döwürleriň dolanmagy bilen, Ahal sebitinde ýaşaýan teke taýpasynyň ösdürip ýetişdirýän tohum atlary owadanlyk, ýyndamlyk we çydamlylyk taýdan has tapawutlanypdyr hem-de ahalteke tohumy hökmünde özüni tanadypdyr.
Aba aga il içinde «atyň üstünde ulalan» adam hökmünde tanalýar. Aba aga atçylyk boýunça köp zatlary bilipdir. Ol atlary idetmegiň, seýislemegiň ussady bolupdyr. Bedewlere bolan çuňňur söýgi Anna aganyň kiçi ogly Berdimuhamet aganyň hem ýüreginde berk ornaşypdyr. Berdimuhamet aga özüniň Dagarman diýen bedewini iň ýakyn syrdaşy hökmünde söýüpdir.
Bedewlere bolan şeýle hormatyň, sylagyň, at şynaslygyň ata-baba nesilden – nesle geçip gelmegi Hormatly Prezidentimiziň ahalteke bedewlerine bolan söýgüsine düşünmäge giň mümkinçilik döredýär. Elbetde, Hormatly Prezidentimiziň türkmeniň uçar ganaty hasaplanylýan bedew atda çapmagy hem-de bedew ata münüp sahawatly türkmen sähralaryna, daglaryna, düzlerine aýlanmagy, at üstünde gezelenç etmegi şöhratly zamanamyzyň ýokary tizlikdäki buýsançly ösüşleriniň çeper öwrümli şöhlelendirilmesidir.
Begli MAMMEDOW
Myrat Garryýew adyndaky Türkmenistanyň Döwlet Lukmançylyk
uniwersitetiniň uly mugallymy
