Google öz beýannamasynda Play dükanyny we Android operasiýa ulgamyny “doly täzeden gözden geçirmegiň” programma üpjünçiliginiň işläp düzüjilerine we sarp edijilere ýaramaz täsir edip biljekdigini öňe sürýär. Kompaniýa üýtgeşmeleriň bazardaky ýagdaýy erbetleşdirip, programmalara elýeterliligi kynlaşdyryp biljekdigini aýtdy.
Epic Games, öz gezeginde, Google-yň şikaýatyny “esassyz” we eminleriň kararyny ýerine ýetirmekden gaçmak synanyşygy diýip atlandyrdy. Epic-iň pikiriçe, kazyýet Google-yň häzirki wagtda gaýtalaýan argumentlerini ret etdi.
Işiň düýp manysy Epic Games-iň Google-y Android enjamlarynda programmalary ýaýratmak bazaryny we programmalaryň içindäki töleg usullaryny monopoliýa etmekde aýyplamagyndadyr. 2020-nji ýylda Epic, Google-yň bäsdeşligi bikanun basyp ýatyrýandygyny öňe sürüp, kazyýete ýüz tutdy we geçen ýyl eminler kompaniýanyň hereketleriniň kanunlary bozýandygyny tassykladylar.
Oktýabr aýynda kazy James Donato, Google-yň ulanyjylara Google Play-de alternatiw programma dükanlaryny göçürip almaga we programmalar katalogyna girmäge rugsat bermegini talap edýän görkezme berdi.
