Londondaky Türkmenistanyň ilçihanasy, belli şahyr we filosof Magtymgulynyň 300 ýyllygy mynasybetli döredijilik agşamy geçirdi. Çäräniň myhmanlary, Beýik Britaniýadaky türkmen dünýäsiniň Gumanitar birleşiginiň “Galkynyş” bölüminiň wekilleri, türkmen diasporasy, britan uniwersitetlerinde okaýan türkmen talyplary boldular. Bu barada Türkmenistanyň DIM-niň metbugat gullugy habar berdi.
Çärä Türkmenistanyň ilçisi Ýazmyrat Serýaýew çykyş etdi. Diplomat, şahyryň ýubileýi mynasybetli Türkmenistanda geçirilen halkara çäreler barada gürrüň berdi. Şeýle hem, Magtymgulynyň döredijiliginiň dünýä edebiýatynyň hazynasyna we häzirki zaman gumanitar ylmynyň ösmegine goşan goşandyny belledi.
Myhmanlara Magtymguly we Bitarap Türkmenistanyň ösüşi barada wideo film görkezildi. Mundan başga-da, şahyryň eserleriniň iňlis dilindäki sergisi geçirildi.
