“IndieWire” kino media Disney-iň iň gowy multfilmleriniň reýtingini düzdü. Birinji orunda 1940-njy ýylda çykarylan “Pinokkio” filmi boldy, onuň sazy kompaniýanyň her bir animasiýa taslamasynyň başynda ýaňlanýar.
Portalyň tankytçylarynyň aýtmagyna görä, “Pinokkio” animasiýanyň diňe çagalar üçin güýmenje bolman, eýsem ulularyň çaga bolmagyň manysy barada çynlakaý oýlanmasy bolup biljekdigini görkezdi. Reýtingiň awtorlary bu “fantaziýa epikasy” hiç haçan doly düşündirip bolmajakdygyny we onda hemişe geň galdyryjy täze zatlaryň tapyljakdygyny belleýärler.
Multfilm iň gowy saz we saundtrek üçin iki “Oskar” baýragyna mynasyp boldy — “When You Wish Upon a Star” kompozisiýasy, soňra Disney-iň beýleki taslamalarynyň resmi mowzugy boldy.
Reýtingiň ikinji orny 1941-nji ýylda çykarylan “Dambo” filmine berildi. Üçünji orny bolsa “Uklaýan owadan” (1959) eýeledi.
