Adamlar hemmişe suhangöýlügiň, dilewarlygyň gadryny bilipdirler. Suhangöýlük sungaty terbiýe bermegiň we bilim öwretmegiň, pelsepeçilik, estetiki taglymatlary, syýasy, ykdysady we beýleki bilimleri ýaýratmagyň, medeni gymmatlyklara hem-de öňe sürülýän täze pikirlere akyl ýetirmegiň möhüm we işjeň serişdesidir. Hakyky söz iň gowy raýatlyk duýgularyny oýarýar, öňe gidişligiň maksatlaryna hyzmat edýär.
Suhangöý kişi adamlar bilen araçysyz gatnaşyk edýär. Bu bolsa oňa möhüm durmuş meselelerini çalt aňşyrmaga, öňdebaryjy pikirleri işjeň wagyz etmäge, wakalara okgunlylyk bilen seslenmäge, diňleýjileriň köp sanly bähbitlerini göz öňünde tutmaga, belli maglumatlara düşündiriş bermäge, döwletiň ýöredýän syýasatyny düşündimäge mümkinçilik berýär.
Suhangöý kişi adamlaryň wyždanlaryny, hakydalaryny, milli, watançylyk, beýleki halklar bilen raýatdaşlyk duýgularyny oýarýar. Ol adamyň ruhuny göterýär, onuň aň-düşünjesine asylzadalyk çaýýar, umumadamzat aladalaryny, bähbitlerini, pikirlerini birinji orna çykarýar. Akyl ýetirişiň asylly maksatlary, ynsanperwerligiň we mähribanlygyň wagzy, „aýdyň” hakykatlar edilýän çykyşyň abraýyny artdyrýarlar, diňleýjileriň ruhy dünýäsine täsir edýärler. Hakyky suhangöý çykyşyna öz bütin akylyny, ýürek joşgunyny siňdirmek bilen,adamlaryň akyllaryna hem-de ýüreklerine täsirini ýetirýär.
Häzirki döwürde köp adamlar wagyz edýärler, nutuklar sözleýärler, ders berýärler, söhbetdeşlik geçirýärler. Adamlaryň söz sözlemek işjeňligi ep-esli ýokarlandy. Bu begebdirýär. Ýöne söz sözlemek ussatlygyňy ýokarlandyrmak üçin, elbetde, suhangöýlük sungatynyň nazaryýetini öwrenmek, görnükli suhangöýleriň eden çykyşlaryny çuňňur derňemek, nazary bilimleri öz amalyňda şöhlelendirmek gerek.
Mähri MYRADOWA
S.A.Nyýazow adyndaky Türkmen oba hojalyk
uniwersitetiniň talyby
