Türkmenistanyň Daşary işler ministriniň orunbasary Mähri Bäşimowa 28-nji noýabrda Aşgabatda ÝHHG-niň ykdysady we ekologiýa işjeňliginiň utgaşdyryjysy Bakyt Jusupow bilen duşuşyk geçirdi. Bu barada Türkmenistanyň Daşary işler ministrliginiň metbugat gullugy habar berdi.
Taraplar ÝHHG bilen hyzmatdaşlygyň geljegi, hususan-da, ulag baglanyşygy, energiýa we ekologiýa howpsuzlygy ýaly möhüm ugurlar boýunça täze hyzmatdaşlyk görnüşleriniň döredilmegi mümkinçiliklerini ara alyp maslahatlaşdylar.
Duşuşykda, şeýle hem, sebitara dialogy berkitmekde, howpsuzlygy üpjün etmegiň hemmetaraplaýyn çemeleşmesini öňe sürmekde, durnukly we parahat dünýäni üpjün etmekde “ÝHHG giňişliginde parlament diplomatiýasy: abadançylyk we parahat gelejek üçin hyzmatdaşlygy ýola goýmagyň guraly” atly ikinji Aşgabat konferensiýasynyň ähmiýeti bellenildi.
Mundan başga-da, Bäşimowa we Jusupow Türkmenistanyň ÝHHG bilen bu halkara düzümiň ikinji ykdysady-ekologiýa ölçeginiň çäklerinde köp ýyllaryň dowamynda netijeli hyzmatdaşlygyny kanagatlanma bilen belläp geçdiler. Olar bu ugurlarda durmuşa geçirilýän taslamalaryň we maksatnamalaryň ähmiýetini nygtadylar.
