Türkmenistanly wekiller Soçide “Sirius” federal territoriýasynda geçirilen IV ýaş alymlar kongresine gatnaşdylar. Çäräniň mowzugy “Ylym-tehnologiýa ösüşiniň ileri tutulýan ugurlary: geljegi şu gün döredýäris” boldy.
Çärä rus şäherlerinden we onlarça daşary ýurtlardan ýaş gözlegçiler, mugallymlar, ders bäsleşikleriniň ýeňijileri gatnaşdylar. Türkmenistany kongresde S.A. Nyýazow adyndaky Türkmen oba hojalyk uniwersitetiniň mugallymy Kady Amanow we talyp Dawut Dowletow, Ý.Kakaýew adyndaky Halkara nebit we gaz uniwersitetiniň mugallymlary Mahmut Haýdarow we Rahym Gyrmaýew wekilçilik etdiler.
Kongresiň çäklerinde “tegelek stollar”, bilermen sessiýalary we panel ara alyp maslahatlaşyklary geçirildi. Gatnaşyjylar emeli intellekt, biotehnologiýalar, robot tehnologiýalary, energiýa netijeliligi tehnologiýalary ýaly ugurlarda iň täze işläp düzmeleri ara alyp maslahatlaşdylar.
