Özbegistanyň Prezidenti Şawkat Mirziýoýew 25-nji dekabrda Sankt-Peterburgda geçirilen GDA döwlet baştutanlarynyň resmi däl duşuşygyna gatnaşdy. Bu barada respublikanyň lideriniň metbugat gullugy habar berdi.
Bu giň gerimli çärä Russiýanyň Prezidenti Wladimir Putin, Belarusyň Prezidenti Aleksandr Lukaşenko, Gyrgyzystanyň Prezidenti Sadyr Žaparow, Türkmenistanyň Prezidenti Serdar Berdimuhamedow, Täjigistanyň Prezidenti Emomali Rahmon we Gazagystanyň Prezidenti Kasym-Žomart Tokaýew hem gatnaşdylar. Gepleşikleriň çäklerinde taraplar 2024-nji ýylyň esasy netijelerini jemlediler. Mundan başga-da, 2025-nji ýyl üçin özara bähbitli hyzmatdaşlygyň ileri tutulýan wezipeleri ara alnyp maslahatlaşyldy.
Döwlet baştutanlary häzirki wagtda sebitara söwdany giňeltmek boýunça çäreleri işläp düzmegiň möhümdigine ylalaşdylar. Prezidentler “ýaşyl” energiýa we parahatçylykly atom, döredijilik ykdysadyýeti, internet tehnologiýalary ugurlarynda hyzmatdaşlygy ösdürmek barada pikir alyşdylar. Şeýle hem inženerçilik mekdeplerini döretmegiň we täze sanly çözgütleri ornaşdyrmagyň möhümdigi bellenildi.
