Türkmenistanyň daşary işler ministri Raşid Meredow 12-nji dekabrda Aşgabatda Eýranyň daşary syýasat edarasy başlygynyň orunbasary Kazem Garib-Abadi bilen gepleşik geçirdi. Taraplar söwda-ykdysady gatnaşyklary, hususan-da energetika we ulag ugurlarynda hyzmatdaşlygyň ösmegini ara alyp maslahatlaşdylar. Bu barada Türkmenistanyň DIM-niň metbugat gullugy habar berdi.
Raşid Meredow we Kazem Garib-Abadi ykdysady hyzmatdaşlyk boýunça bilelikdäki hökümetara toparyň işiniň ähmiýetini nygtadylar. Diplomatlar halkara we sebit düzümleriniň çäklerindäki hyzmatdaşlygyň netijeliligini kanagatlanma bilen bellediler.
Mundan başga-da, gepleşikde döwletara gün tertibiniň möhüm meseleleri ara alnyp maslahatlaşyldy. Taraplar goňşuçylyk we özara hormat goýmak ýörelgeleri esasynda hyzmatdaşlygyň ösmegini tassykladylar.
