Türkmenistanyň Halk Maslahatynyň başlygy Gurbanguly Berdimuhamedow Wengriýada geçirilen Türk döwletleriniň guramasynyň (OTG) ýaşulular geňeşiniň 16-njy mejlisine gatnaşdy. Gahryman-Arkadag parahatçylygy we ynamy berkitmäge gönükdirilen birnäçe teklipleri öňe sürdi.
Gurbanguly Berdimuhamedow Türkmenistanyň başlangyjy bilen 2025-nji ýylyň BMG Baş Assambleýasy tarapyndan Parahatçylyk we ynam ýyly diýlip yglan edilendigini belläp, ýaşulular geňeşiniň howandarlygynda bu ýörelgeleri öňe sürmek üçin halkara derejeli çäreleri guramagy teklip etdi.
Gahryman-Arkadagymyz ýaşulular geňeşi arkaly türk döwletleriniň arasyndaky gatnaşyklary berkitmek we halkara gatnaşyklary giňeltmek üçin halk diplomatiýasynyň ähmiýetini nygtady. Ol geňeşiň jemgyýetçilik işleriniň dünýäde giňden beýan edilmeginiň, şol sanda degişli neşiriň döredilmeginiň, internet sahypasynyň açylmagynyň zerurdygyny belledi.
Şeýle hem mejlise gatnaşyjylar guramanyň agza ýurtlarynyň arasyndaky hyzmatdaşlygyň mundan beýläk-de ösdürilmegi bilen baglanyşykly möhüm meseleleri ara alyp maslahatlaşdylar we Aşgabatda geçirilen öňki mejlisiň çözgütleriniň ýerine ýetirilmegine aýratyn üns berdiler.
