Canalys-yň maglumatlaryna görä, Apple-yň Hytaý bazaryndaky paýy 15%-e çenli azaldy, Huawei-yň paýy 16%-e ýetdi, Vivo bolsa 17% bilen öňdeligi eýeleýär. Hytaýda iPhone satuwy 2023-nji ýylda 51,8 million enjamdan 2024-nji ýylda 42,9 milliona çenli azaldy.
Analitikleriň bellemegine görä, hytaý markalary ösen aýratynlyklary we bäsdeşlik bahalary bilen Apple bilen bäsleşýärler. Şeýle-de bolsa, ABŞ-nyň sanksiýalaryna garamazdan, “Huawei 2024-nji ýylda täsirli ösüş gazanyp, smartfonlarynyň üpjünçiligini 37% ýokarlandyrdy”. Vivo kompaniýasy hem ösüşini dowam etdirdi we bazardaky ornuny has-da berkitdi.
Apple-yň Hytaýdaky üpjünçiligi 2024-nji ýylyň dördünji çärýeginde 25% azaldy. Şu sebäpli Apple-yň baş direktory Tim Kuk “bu meseläni çözmek üçin Hytaýa birnäçe sapar etdi” diýip, hasabatyň awtorlary belleýärler.
“Gizchina” ýazmagyna görä, “emma köp hytaý sarp edijileri öz isleglerine has laýyk gelýän we has amatly baha we hil gatnaşygy bolan ýerli markalary saýlaýarlar. Hytaý hökümetiniň syýasaty hem bazara täsir edýär we Huawei we Vivo ýaly ýerli markalary ileri tutýar”.
