Bäsdeşlik we bazarlar boýunça edara (CMA) Apple we Google operasion ulgamlarynyň, programma dükanlarynyň we brauzerleriniň bäsdeşleriň mümkinçiliklerine nähili täsir edýändigini barlar. Bu hereketler şu aý güýje giren sanly bazaryň täze düzgünleri sebäpli mümkin boldy. Olara görä, düzgünleşdirijiler kompaniýalardan ulanyjylaryň Apple we Google ekosistemalarynyň daşyndaky programmalara we mazmuna elýeterliligini ýeňilleşdirmegi talap edip bilerler.
Beýik Britaniýada satylýan ähli diýen ýaly ykjam enjamlaryň iOS ýa-da Android operasion ulgamynda işleýändigini we bu ýagdaýyň Apple we Google-a tehnologiýalaryň ösmegine we mazmunyň üpjün edilmegine ep-esli täsir edýändigini CMA-da aýtdylar. Eger kompaniýalar düzgünleri bozmagyny dowam etdirse, olara agyr jerimeler we bäsdeşligi güýçlendirmek çäreleri garaşýar.
