Türkmenistan, bitarap döwlet hökmünde, Owganystanda parahatçylyga we raýat ylalaşygyna, ykdysady infrastruktura dikeltmäge we sosial meseleleri çözmäge gönükdirilen tagallalary goldaýar we bu ýurda kömek bermegini dowam etdirer. Türkmenistanyň Halk Maslahatynyň Başlygy Gurbanguly Berdimuhamedow BMG-niň Baş sekretary Antonio Guterreş bilen telefon arkaly söhbetdeşlikde degişli beýanat berdi. Bu barada «Türkmenistan: Altyn asyr» elektron gazeti habar berdi.
Türkmenistanyň Milli Lideri Türkmenistanyň owgan tarapynyň gatnaşmagynda birnäçe iri ykdysady taslamalary durmuşa geçirýändigine, şol sanda TAPI gaz geçirijisiniň çekilmegine, Owganystanyň çäginden Pakistana elektrik geçiriji liniýasynyň çekilmegine, şeýle hem Türkmenistandan Owganystan ugry boýunça demir ýol gurluşygyna ünsi çekdi.
Türkmenistanyň Gahrymany-Arkadag şeýle hem Aşgabadyň ençeme ýyllaryň dowamynda goňşy ýurduň halkyna ynsanperwer kömek berýändigini, öz serişdeleri hasabyna Owganystanda sosial desgalary gurýandygyny belledi.
