19-25-nji ýanwar aralygynda wise-kansler Endrýu Linn baştutanlygyndaky Westminster uniwersitetiniň wekiliýeti Türkmenistana sapar edýär. Britan uniwersitetiniň wekilleri eýýäm Halkara ynsanperwer ylymlary we ösüş uniwersitetiniň, Magtymguly adyndaky Türkmen döwlet uniwersitetiniň we Seýitnazar Seýdi adyndaky Türkmen döwlet mugallymçylyk institutynyň mugallymlary we talyplary üçin okuw sapaklaryny geçirdiler. Bu barada Türkmenistanyň bilim ministrliginiň metbugat gullugy habar berdi.
Okuw sapaklarynyň mowzuklary häzirki zaman pedagogikasy, iňlis dilini okatmak we okuw materiallaryny işläp düzmek ýaly meseleleri öz içine aldy. Hususan-da, gatnaşyjylar metodologiki taýdan täsirli we tehnologiki taýdan ösen tejribeler bilen tanyşdylar.
Mundan başga-da, daşary ýurt dillerini, şol sanda ýörite maksatlar üçin iňlis dilini (ESP) we “çylşyrymly tekstler” üçin iňlis dilini (EFL) okatmakdaky häzirki tendensiýalar ara alnyp maslahatlaşyldy.
