Google Home merkezleri Matter goldawyny aldy
Google kompaniýasy akylly öý ekosistemasyna iki möhüm täzelik girizdi. Ilki bilen, Google Home öý merkezlerine Matter goldawy goşuldy, bu bolsa bu standarty goldaýan akylly öý enjamlaryny ýerli dolandyrmaga mümkinçilik berýär.
Kompaniýanyň düşündirişine görä, indi Google Nest merkezleri we kolonkalary, Chromecast, Android 14-de işleýän Google TV enjamlary we käbir LG telewizorlary Matter goldawy bolan enjamlara birikdirilip, internet we bulut baglanyşygy bolmazdan ýerli dolandyrylyp bilner.
Mundan başga-da, Google ähli işläp düzüjiler üçin Home API-lerini açýar. Bu, işläp düzüjilere Google Home enjamlaryny öz programmalaryna birleşdirmäge mümkinçilik berer. 2024-nji ýylyň maý aýyndan başlap, API-niň irki wersiýasy Eve, Nanoleaf, LG, ADT, Cync, Yale we Aqara ýaly kompaniýalar üçin elýeterli boldy. Indi bolsa islendik kompaniýa umumy beta wersiýasynda Android üçin Home API-lerine elýeterlik alyp biler, iOS wersiýasy bolsa ýakyn wagtda peýda bolar.
