Agentlik 2022-nji ýylda Google-yň bazardaky agalyk ediji ýagdaýyndan hyýanatçylykly peýdalanýandygyny güman edip, derňew başlatdy. Kadalaşdyryjylaryň pikiriçe, kompaniýa programmalar işläp düzüjilerinden Google Play Billing-i ulanmagy talap edip, bäsdeşlerinden has ýokary komissiýa alýardy. Şeýle bolmadyk ýagdaýynda programmalar dükandan aýrylyp bilnerdi.
Antimonopol komissiýasynyň mejlisinde şeýle syýasatyň işläp düzüjileriň girdejilerini azaldýandygy we ulanyjylaryň sanyny kemeldýändigi aýdyldy. Google-y Indoneziýanyň monopoliýa garşy kanunyny bozmakda aýyplaýarlar, sebäbi kompaniýa 280 million ilatly ýurtda mobil programmalar bazarynyň 93%-ini gözegçilikde saklaýar.
Google öz töleg ulgamynyň üsti bilen 30%-e çenli komissiýa alýardy, bu bolsa kadalaşdyryjylaryň pikiriçe, esasanam Indoneziýanyň ösýän sanly tehnologiýalar bazary üçin aşa ýokary derejedir.
Kompaniýa eýýäm kazyýetiň kararyna garşy çykjakdygyny aýtdy. Google-nyň metbugat sekretary häzirki tejribäniň Indoneziýanyň programma bazarynda sagdyn bäsdeşlige ýardam edýändigini we kompaniýanyň ýerli kanunlara boýun boljakdygyny belledi.
