Albinizm – genetiki taýdan nesilden nesile geçýän keseller toparydyr we bedende melanin pigmentiniň ýetmezçiligi bilen häsiýetlendirilýär. Bu pigmentiň ýetmezçiligi sebäpli deri, saç we gözleriň reňki açyk bolýar.
Albinizmiň dürli görnüşleri bar, olaryň käbiri diňe derini täsir edýär, käbiri bolsa gözüň pigmentasiýasyna hem täsir edýär. Esasy sebäbi, melanin öndürmekde möhüm rol oýnaýan fermentleriň kadaly işlemeýändigidir.
Bu keseliň esasy alamatlaryna deriniň gaty ak ýa-da açyk sary reňkde bolmagy, saçyň açyk reňkde bolmagy, gözleriň ýagtylyga aşa duýgurlygy, görme bozuklyklary we gün şöhlesiniň täsirine aşa duýgurlyk girýär. Albinizmli adamlar deri we gözüň rak keseliniň döremek töwekgelçiligine has ýykgynly bolýar.
Bejergi albinizmi düýpli bejermekden däl-de, onuň täsirlerini azaltmaga gönükdirilýär. Günüň zyýanly şöhlelerinden goramak üçin gün örtükli lybaslar geýmek, ultramelewşe şöhlesinden goramak üçin ýörite kremleri ulanmak maslahat berilýär.
Bäşim MÄMMETORAZOW
Myrat Garryýew adyndaky Türkmenistanyň Döwlet lukmançylyk
uniwersitetiniň Nerw keselleri we neýrohirurgiýa
kafedrasynyň assistenti
