Bil onurganyň miyelopatiýasy – onurğa ýiliginiň zeperlenmegi bilen baglanyşykly bolan we dürli sebäplere görä ýüze çykýan çylşyrymly keseldir. Bu ýagdaý degeneratiw üýtgemeler, onurğa sütüniniň şikesleri, çişler, ýokanç keseller, autoimmun keseller ýa-da gan aýlanyşygynyň bozulmagy sebäpli döräp biler.
Miyelopatiýa esasan boýnuň ýa-da döş onurğasynyň sebitinde has ýygy duş gelýär. Onuň esasy alamatlaryna myşsa gowşaklygy, duýujylygyň peselmegi, deňagramlylygyň bozulmagy, ellerde we aýaklarda ysmazlyk, refleksleriň üýtgemegi, peşew we bigiş çykarmak bilen baglanyşykly kynçylyklar girýär.
Keseli anyklamak üçin magnit-rezonans tomografiýasy (MRT), kompýuter tomografiýasy (KT) we elektromýografiýa (EMG) ýaly usullar ulanylýar. Bejergisi sebäbe baglylykda, neýrohirurgiki operasiýa, ortopediki bejergi, derman serişdeleri we fizioterapiýa bilen amala aşyrylýar.
Keseliň irki döwürde anyklanmagy bejerginiň netijeliligini ýokarlandyrýar we has agyr ysmazlyk ýagdaýlarynyň öňüni almaga kömek edýär.
Akmuhammet ALÇEKOW
Myrat Garryýew adyndaky Türkmenistanyň Döwlet lukmançylyk
uniwersitetiniň Nerw keselleri we neýrohirurgiýa
kafedrasynyň assistenti
