Kelle beýnisiniň çiş keselleri beýni dokumalaryndan, nerw öýjüklerinden ýa-da beýni örtüklerinden döräp bilýän täze döremelerdir. Olar oňyn we ýaman häsiýetli bolup biler. Oňyn çişler haýallyk bilen ösüp, ýakyndaky dokumalara zyýan ýetirip bilmez, ýöne olar hem beýniniň basyşyny artdyryp, alamatlara sebäp bolup biler. Ýaman çişler bolsa tiz ösýär, dokumalara aralaşýar we beýni funksiýalaryna uly zyýan ýetirýär.
Keseliň alamatlary çişiň ýerleşýän ýerine baglylykda üýtgäp biler, ýöne köplenç kelle agyry, iç geçme, kelle-beyni nerwleriniň bozulmagy, görme ýetmezçiligi, myşsa gowşaklygy, aýak-ellere duýujylygyň peselmegi, pikirlenme we ýatkeşlik bozuklyklary bilen ýüze çykýar.
Bejergi operasiýa, şöhle terapiýasy, himiýa terapiýasy we immunoterapiýa ýaly usullary öz içine alýar. Çişiň irki anyklanmagy bejerginiň üstünlikli bolmak ähtimallygyny ýokarlandyrýar.
Habyp HALYLOW
Myrat Garryýew adyndaky Türkmenistanyň Döwlet lukmançylyk
uniwersitetiniň Nerw keselleri we neýrohirurgiýa
kafedrasynyň assistenti
