Kelle beýnisiniň 4-nji garynjygy beýni suwy bilen baglanyşykly möhüm anatomiýa bölegi bolup, bu ýerde döreýän çişler nerw ulgamyna düýpli täsir edýär. Bu çişler köplenç suwuklygyň akymyny böwetläp, kelleagyry, kelle içindäki basyşyň ýokarlanmagy, gözüň koordinasiýasynyň bozulmagy we hatda huşsuzlyk ýagdaýlaryna sebäp bolup biler.
Bu keseliň alamatlary çişiň ululygyna we ýerleşişine baglylykda üýtgäp biler. Esasy alamatlaryna kelle agyry, uklawsyzlyk, gözleriň ritmik titremegi (nistagm), işdäň peselmegi, kelle agyry bilen bilelikde ýüze çykýan gaýtarma we düşünjäniň bulaşmagy girýär.
Bejergisi hirurgiki operasiýa, şöhle bejergisi we derman serişdeleri bilen alnyp barylýar. Keseli irki döwürde anyklamak çişiň ýaýramagynyň öňüni almakda we bejerginiň täsirini ýokarlandyrmakda uly ähmiýete eýedir.
Sahit ANNANEPESOW
Myrat Garryýew adyndaky Türkmenistanyň Döwlet lukmançylyk
uniwersitetiniň Nerw keselleri we neýrohirurgiýa
kafedrasynyň assistenti
