GSMArena-da işleýän kärdeşlerimiz Samsungyň täze iki orta kategoriýaly smartfonyny – Galaxy A36 we Galaxy A56-deňeşdirdi.
Iki enjam hem meňzeş görünýär: olaryň 6.7 dýuýmlyk AMOLED ekranlary 120 Hz ýygylyk we birmeňzeş çözgüt bilen üpjün edilendir, korpus bolsa takmynan ölçeg we agram boýunça birmeňzeşdir. Emma tapawutlar bar.
Galaxy A36, gün şöhlesinde birneme ýagty we oýunlarda has gowy özbaşdaklygy görkezdi. Şeýle hem ol Android 14-de One UI 6.1 bilen A56-nyň hemme programmalaşdyryş mümkinçiliklerini hödürleýär, ýöne arzan bahadan satylýar. Üstesine, bu model has köp reňk görnüşlerinde elýeterlidir.
Galaxy A56 öndürijilikde öňe geçýär – onuň prosessory has güýçlidir. Şeýle hem onuň kamerasynyň hiliniň, aýratyn-da gije wagty, has gowy bolandygy we gündelik ulanylyşda batareýalarynyň biraz uzaga işläp bilýändigi bellenilýär. Mundan başga-da, has ýokary hilli korpusa eýedir.
GSMArena-nyň pikiriçe, kamera, dizaýn we geljek üçin öndürijilik ähmiýetli bolsa, Galaxy A56 has deňagramly saýlawdyr. Emma Galaxy A36, agyr kompromislerden gaça durmak bilen tygşytlamagy isleýänler üçin ajaýyp alternatiwadyr.
