Berkarar döwletiň täze eýýamynyň Galkynyşy döwründe merdana türkmen halkymyz aprel aýynyň soňky ýekşenbesinde hormatly Prezidentimiziň başlangyçlary bilen agzybirlikde we jebislikde türkmen bedewiniň baýramyny belläp geçýär.
Halkymyz öz bedewlerine syrdaşym, gardaşym diýip ýüzlenipdirler. Gahryman Arkadagymyz “Türkmen at esbaplaryny öz köklerini örän gadymy döwürlerden alyp gaýdýar. Türkmen bedewleri köp eşiklidir, eýer-esbaplydyr. Bu bolsa bu jandara goýulýan beýik hormaty, sarpany öran aýdyň görkezip, beýan edipdur” diýip belläp geçýär.
Gadymy ussalar atyň esbaplarynyň deriden edilen ýerlerini ownuk berçinler bilen örtüpdirler. Olary kümüşden ýasalan şelpeler hem-de jaňjagazlar bilen bezäpdirler. Behişdi bedewlere kümüşdir hakyk daşlaryny goýdyrmandyrlar, ýöne ähli şaý-sepler özüniň owadanlygy hem-de takyklygy bilen tapawutlanyp, bedewleriň nurana syraty bilen ajaýyp görnüşde sazlaşypdyr. Atyň gursagyna gorag üçin göwüsbent dakypdyrlar, onuň häzirki günlerde-de doga-tumar häsiýeti bar.
Halkymyz öz bedew atlaryny timarlap, kämilleşdirip ony maşgalanyň deňhukukly agzasy, söweşiji gardaşy hasaplapdyrlar. Halkymyz ata tutuş durky bilen uýup, gaýduwsyzlyk, mertlik hem-de watançylyk ýaly durnukly häsiýetleri özlerinde-de bedew atlarynda-da kemala getiripdir. Taryhyň öwrüm-öwrüm ýollarynda şol häsiýetleri şan-şöhrat getirdi.
Milli Lidermiz Gahryman Arkadagymyzyň jöwher paýhasyndan dörän ”Ahalteke bedewi biziň buýsanjymyz we şöhratymyz”, ”Ganatly bedewler”, ”Gadamy batly bedew” atly ajaýyp kitaplary halkymyzyň gadymdan gelýän seýisçilik we atşynaslyk sungatynyň şöhratyny has hem beýgeltdi. Bu ajaýyp eserleri okan islendik adam ynsanyň iň ýakyny bolan bedew barada, onuň gelip çykyşy, geçen şöhratly ýoly barada giň ylymy düşünje alýarlar.
Pederlerimizden miras galan, milli däplerimize belent sarpa goýýan türkmen bedewleriniň şan-şöhratyny dünýä tanadýan Gahryman Arkadagymyzyň, Arkadagly Gahryman Serdarymyzyň janlary sag, ömri uzak, ata watanymyzyň gülläp ösmegi ugrunda alyp barýan il bähbitli işleri hemişe rowaç bolsun!
Gadam KAZAKOW
Türkmen oba hojalyk institutynyň
Daşoguz Agrosenagat orta
hünär okuw mekdebiniň mugallymy
