Täjigistanyň Prezidenti Emomali Rahmon we Duşenbe şäheriniň häkimi Rustami Emomali “Akia Avesto” atly Täjigistan-Türkiýe bilelikdäki kärhanasyna baryp, onuň işjeňligi bilen tanyşdylar.
Resmi maglumatlara görä, bu saparyň dowamynda 30 sany “Akia Nerü” elektrik awtobusy ulanylyşa girizildi. Bu awtobuslar 32 oturgyçly bolup, jemi 100 ýolagçyny daşamaga ukyplydyr.
“Akia Avesto” kärhanasy 2018-nji ýyldan bäri 500-den gowrak awtobus we elektrik awtobus öndürdi. Mundan beýläk Duşenbe şäher häkimligi 2028-nji ýyla çenli ýolagçy ulag ulgamyny dolulygyna elektrik ulaglara geçirmegi maksat edinýär.
Bu taslama Täjigistanyň ulag ulgamynda uly öňe gidişlik hasaplanyp, ekologiýa taýdan arassa ulaglar bilen jemgyýetçilik transportynyň kämilleşdirilmegine itergi berýär.
