Ahal welaýatynda Medeniýet hepdeliginiň açylyş dabarasy boldy

Şu gün, 22-nji iýunda Ahal welaýatynyň Ak bugdaý etrabyndaky Now­ruz ýaýlasyndaky «Türk­me­niň ak öýi» bi­na­synda Medeniýet hepdeliginiň açylyş dabarasy boldy.

Da­ba­ra­nyň ba­şyn­da Türkmenistanyň Prezidentiniň Ahal we­la­ýa­tyn­da ge­çi­ril­ýän Me­de­ni­ýet hep­de­li­gi­ne gat­na­şy­jy­la­ra ibe­ren Gut­la­gy okal­dy. Soň­ra meş­hur est­ra­da aý­dym­çy­la­ry­nyň ýe­ri­ne ýe­tir­me­gin­de bir­nä­çe aý­dym aý­dyl­dy, tans we folk­lor to­par­la­ry­nyň çy­kyş­la­ry­na to­ma­şa edil­di. 

Öý­län me­de­ni çä­re Änew şä­he­rin­dä­ki Türk­me­nis­ta­nyň Be­ýik Sa­par­my­rat Türk­men­ba­şy adyn­da­ky Mil­li Ak bug­daý mu­ze­ýin­de do­wam et­di. Bu ýer­de «Hal­ky­my­zyň me­de­ni mi­ra­sy­ny top­la­mak­da, go­rap sak­la­mak­da we ola­ry yl­my esas­da öw­ren­mek­de mu­zeý­le­riň or­ny» at­ly ýur­du­my­zyň mu­zeý hü­när­men­le­ri­niň usu­ly okuw-mas­la­ha­ty ge­çi­ril­di hem-de mu­zeý gym­mat­lyk­la­ry­nyň, ama­ly-ha­şam sun­ga­ty­nyň eser­le­ri ýaý­baň­lan­dy­ryl­dy.

Soň­ra Me­de­ni­ýet hep­de­li­gi Ka­ka et­ra­by­nyň me­de­ni­ýet öýün­de Ahal we­la­ýa­ty­nyň halk teatr­la­ry­nyň, dra­ma to­par­la­ry­nyň, teatr stu­di­ýa­la­ry­nyň dö­re­di­ji­lik iş­gär­le­ri­niň usu­ly mas­la­ha­ty, şeý­le hem Ka­ka et­ra­by­nyň halk teat­ry­nyň «Şü­kür bag­şy» at­ly sah­na oý­nu­nyň gör­ke­zi­li­şi bi­len do­wam et­di.

Me­de­ni­ýet hep­de­li­gi­niň çä­gin­de soň­ra Änew şä­he­rin­dä­ki me­de­ni­ýet öýün­de Ahal we­la­ýa­ty­nyň ýö­ri­te sun­gat mek­de­bi­niň we ça­ga­lar sun­gat mek­dep­le­ri­niň dö­re­di­ji­lik to­par­la­ry­nyň gat­naş­ma­gyn­da bo­lan kon­sert­de ýaň­la­nan aý­dym­lar to­ma­şa­çy­la­rda uly täsir galdyrdy. 

«THE ASHGABAT TIMES».