Aşgabatda mig­ra­si­ýa bo­ýun­ça halkara maslahat geçirildi

2025-nji ýylyň 12-nji iýunynda paý­tag­ty­myz­da­ky «Ýyl­dyz» myh­man­ha­na­syn­da «Pa­ra­hat­çy­lyk, dur­nuk­ly ösüş we mig­ra­si­ýa» atly hal­ka­ra mas­la­hat ge­çi­ri­ldi. Oňa Mer­ke­zi Azi­ýa ýurt­la­ry­nyň bä­şi­sin­den mig­ra­si­ýa bo­ýun­ça iş alyp bar­ýan döw­let dü­züm­le­ri­niň, şeý­le-de bu ba­bat­da se­bit­de öň­de­ba­ry­jy tej­ri­be­le­re eýe bo­lan Rus­si­ýa­dan, Azer­baý­jan­dan, Eý­ran­dan, Tür­ki­ýe­den we­kil­le­r gatnaşdylar.

Hal­ka­ra mas­la­hatda mig­ra­si­ýa me­se­le­si­ne çe­me­leş­me­de, mig­rant­la­ryň hu­kuk­la­ry­ny go­ra­mak­da, eko­lo­gik dur­nuk­ly­ly­gy üp­jün et­mek­de pa­ra­hat­çy­lyk we öza­ra hor­mat goý­mak ýö­rel­ge­le­ri­ni iş ýü­zün­de dur­mu­şa ge­çir­mek ýa­ly mö­hüm ugur­da pi­kir alyş­ma­la­ra giň orun ber­lip, se­bit döw­let­le­rin­de top­la­nan tej­ri­be­le­riň ne­ti­je­le­ri­ne ga­ral­dy, gel­je­giň nuk­daý­na­za­ryn­dan ýe­ri­ne ýe­ti­ril­me­li anyk çä­re­ler ha­kyn­da söh­bet edil­di.

«Pa­ra­hat­çy­lyk, dur­nuk­ly ösüş we mig­ra­si­ýa» at­ly hal­ka­ra mas­la­hat­da aý­ry-aý­ry mow­zuk­la­ra ba­gyş­la­nan çy­kyş­la­ry diň­le­mek bi­len bir­lik­de, mig­ra­si­ýa işi­ne de­giş­li has in­çe me­se­le­ler ha­kyn­da iç­gin pi­kir alyş­ma­ga hem müm­kin­çi­lik dö­re­dil­di. Bu bol­sa fo­ru­ma bi­ler­men hök­mün­de ça­gy­ry­lan myh­man­la­ryň we­kil­çi­lik ed­ýän ýurt­la­ryn­da şah­sy­ýe­ti kes­git­le­mek­den baş­lap, res­mi­na­ma­la­ry taý­ýar­la­mak, se­bit­de ra­ýat­syz­ly­gyň so­ňu­na çyk­mak ba­bat­da edil­ýän ta­gal­la­lar, ka­nu­ny we ka­nu­ny däl mig­ra­si­ýa, eko­lo­gik ýag­daý­la­ryň bu yn­san­per­wer ul­ga­ma ýe­tir­ýän tä­si­ri, elekt­ron wi­za ul­ga­my­ny or­naş­dyr­mak ýa­ly me­se­le­le­riň örän giň top­lu­my bo­ýun­ça ama­la aşy­ryl­ýan iş­le­re syn ber­mä­ge, bi­le­lik­de he­re­ket et­me­giň anyk ýol­la­ry­ny kes­git­le­mä­ge ýar­dam ber­di.

«THE ASHGABAT TIMES».