Ýewropa Bileleşiginiň Merkezi Aziýada narkotik serişdeleriň ýaýramagynyň öňüni almaga gönükdirilen 7-nji tapgyry (CADAP 7) we Türkmenistanyň Bilim Ministrligi bilelikde 2025-nji ýylyň 10–11-nji sentýabrynda Türkmenistanyň Telekommunikasiýa we Informatika Institutynda “Saglyk we durnukly ösüş – parahatçylyga ýol” atly Merkezi Aziýa ýaşlary forumyny geçirer.
Bu forumyň aýratyn ähmiýeti Türkmenistanyň Bitaraplyk derejesiniň 30 ýyllygynyň dabaralanýan ýylyna we Parahatçylyk we ynam ýyly diýlip yglan edilen döwre gabat gelmegine eýe bolmagynda: ol sebitde dialogy, hyzmatdaşlygy we durnuklylygy ösdürmäge Türkmenistanyň goşantyny nygtaýar.
Forum saglyk, bilim, sanly durnuklylyk we ekologiýa meselesinde pikir alyşmak üçin: • Türkmenistanyň, Merkezi Aziýanyň we Ýewropa Bileleşiginiň döwlet edaralarynyň wekillerini, ýaş liderleri hem-de ugurdaş ekspertleri bir ýere toplayar.
Forumyň çäklerinde şu bölümçiligi meseleler ara alnyp maslahatlaşylar:
• Garşydurmalaryň öňüni alyş we psihiki saglyk – parahatçylygyň binýady
• Ekologik medeniýet we sagdyn ekosistemalar
• Bilim, innowasiýa we ýaşlaryň abadançylygy
• Sanly platformalar, emeli aň we ýaşlaryň startaplary parahatçylyk üçin
Işe netije hökmünde, gatnaşyjylar Merkezi Aziýa bilen Ýewropa Bileleşiginiň ýaşlarynyň arasyndaky hyzmatdaşlygy ösdürmek boýunça Ahyrky Resminama we Ýol Kartasyny kabul ederler.
Resmi programma bilen birlikde Türkmen haly milli muzeýine sapar ýaly medeni çäreler hem meýilleşdirilen.
Merkezi Aziýa ýaşlary forumy 2025 CADAP-nyň ýaşlaryň mümkinçiliklerini giňeltmek we Ýewropa Bileleşiginiň Merkezi Aziýa bilen sagdyn, durnukly we parahat gelejek gurmak ugrunda hyzmatdaşlygy güýçlendirmäge bolan ygrarlylygyny tassyklaýar.
