Mongoliýanyň Gobi çölünde alymlar dünýä taryhynyň iň syrly dinozawrlarynyň biri hasaplanýan görnüşiniň doly skeletini ýüze çykardylar. NBC News habar gullugynyň maglumatyna görä, bu tapyndy 108–115 million ýyl mundan ozal ýaşan pahisefalozawra degişlidir.
Bu ýaş dinozawryň galyndylary örän gowy saklanypdyr: skeletiň ýarysyndan gowragy, şol sanda meşhur gümmez şekilli kellesi hem birnäçe wagt geçse-de hiç hili üýtgemändir. Alymlar bu tapyndyny dinozawrlaryň anatomiýasyny has giňişleýin öwrenmekde möhüm ädim hökmünde häsiýetlendirýärler.
Pahisefalozawrlaryň – iki aýakly, ot iýiji dinozawrlaryň – Aziýada we Demirgazyk Amerikada Kretasy döwründe ýaşandygy aýdylýar. Bu görnüş barada öň diňe bölekleýin galyndylar bilen çäklenilýän bolsa, täze tapyndy olaryň gurluşy we ýaşaýyş aýratynlyklary barada täze maglumatlary açyp biler.
Bu tapyndylar dünýä taryhynyň çuňňur gatlaklaryna ýol açyp, geçmişi has aýdyňlaşdyrmaga mümkinçilik berýär.
