2021-nji ýylda Birleşen Milletler Guramasynyň Baş Assambleýasynyň karary bilen her ýylyň 7-nji oktýabry Bütindünýä pagta güni diýip ykrar etmek yglan edildi. Bu sene pagtaçylaryň zähmetine hormat goýmak, bu “ak altynyň” durmuşymyzdaky ähmiýetini wagyz etmek we bu pudagy durnukly ösdürmäge üns çekmek maksady bilen halkara derejesinde giňden bellenilýär.
Pagta dünýä ykdysadyýetinde möhüm orny eýeleýär. Ol dokma senagatynyň esasy çig maly bolmak bilen, başga-da millionlarça adamyň zähmetini, ýaşaýşyny, ösüşini üpjün edýän serişdedir. Türkmenistanda pagta Watanymyzyň ykdysay kuwwatynyň, halkymyzyň tutanýerliliginiň nyşanydyr. Garaşsyzlyk ýyllarynda ýurdumyzda pagtaçylyk ulgamyny kämilleşdirmek, oba hojalygynyň öndürijiliigini artdyrmak, suw tygşytlaýjy tehnologiýalary ornaşdyrmak ugrunda giň möçberli işler alnyp barylýar. Ýurdumyzyň pagtaçylary her ýyl ýokary hasyl alyp, “ak altyn” bilen Watanymyzyň ykdysady ösüşine öz goşantlaryny goşýarlar.
Bütindünýä pagta güni pagtanyň arassa tebigatdan, zähmetden, güneşden we toprakdan döredilýändigini ýatladýar. Şonuň üçinem bu gün dünýä jemgyýetçiligini ekologiýa taýdan arassa önümçilige, tebigata hormat bilen garamaga çagyryş hökmünde-de kabul edilýär.
Ýulduz BABAMYRADOWA,
Türkmenistanyň Magtymguly adyndaky Ýaşlar guramasynyň
Lebap welaýat Geňeşiniň habarçysy
