Türkmenistanyň häzirki ykdysadyýeti Garaşsyzlyk ýyllarynda döwletiň ykdysady syýasatynyň esasyny düzýän “durnukly ösüş”, “milli baýlyklaryň netijeli peýdalanylmagy” we “ilatyň abadançylygyny ýokarlandyrmak” ýörelgelerine esaslanýar. Häzirki wagtda ykdysadyýetiň esasy ugruny energetika, gurluşyk, oba hojalygy, ulag-logistika we hyzmat ulgamlary düzýär. Döwlet ykdysadyýetiň diwersifikasiýasyna, sanlylaşdyrylmagyna we halkara hyzmatdaşlygynyň giňeldilmegine aýratyn üns berýär.
Türkmenistanyň ykdysady ulgamynyň umumy gurluşyTürkmenistanyň ykdysadyýeti bazar gatnaşyklaryna geçmegiň ýörelgeleri esasynda ösdürilýär. Ýurduň ykdysady ösüşinde döwlet eýeçiligindäki iri senagat pudaklary bilen bir hatarda hususy sektor hem barha möhüm orny eýeleýär. Soňky ýyllarda ýurduň ykdysadyýetiniň umumy ösüş depgini ýokary bolup, döwlet tarapyndan öňe sürülýän maksatnamalaryň netijesinde önümçilik kuwwatlary giňeýär.
Energiýa serişdeleri Türkmenistanyň ykdysady ösüşiniň esasy çeşmesidir. Nebit we gaz eksporty döwlet girdejileriniň esasy bölegini düzýär. Şeýle-de, himiýa senagaty, gurluşyk senagaty, dokma pudagy, oba hojalygy we ulag-aragatnaşyk ulgamlary hem ykdysadyýetiň möhüm bölekleridir.
Energetika — ykdysadyýetiň daýanjy Türkmenistan dünýäde tebigy gaz gorlary boýunça öňdebaryjy döwletleriň biridir. “Galkynyş” gaz käniniň ulanyşa berilmegi ýurduň energiýa eksport mümkinçiliklerini giňeltdi. Häzirki wagtda Türkmenistan Hytaýa, Eýrana we Özbegistana tebigy gaz eksport edýär. Şeýle hem, “Türkmenistan–Owganystan–Pakistan–Hindistan” (TAPI) gaz geçirijisiniň gurluşygy ýurdumyzyň energiýa strategiýasynyň möhüm bölegidir.Mundan başga-da, Türkmenistan elektrik energiýasyny hem eksport edýän ýurda öwrülýär. Ahal, Mary we Lebap welaýatlarynda gurlan döwrebap elektrik stansiýalary ýurduň energiýa üpjünçiligini güýçlendirýär we daşary ýurtlara eksporty artdyrmaga mümkinçilik berýär.
Gözel ALLANAZAROWA
Türkmen döwlet binagärlik-gurluşyk
institutynyň mugallymy
