Berkarar döwletiň täze eýýamynyň Galkynyşy döwründe Türkmenistanyň žurnalistikasy täze ösüş basgançaklaryna çykýar. Hormatly Prezidentimiziň bimöçber aladalary bilen, köpçülikleýin habar beriş serişdeleri döwrebaplaşdyrylýar, ýaş žurnalistleriň hünär derejesi ýokarlandyrylýar.
Magtymguly adyndaky Türkmen döwlet uniwersiteti, Halkara gatnaşyklary instituty hem-de Halkara ynsanperwer ylymlary we ösüş uniwersiteti ýaly ýokary okuw mekdeplerinde žurnalistika hünäri boýunça bilim berilýär. Bu bilim ojaklarynda diňe bir žurnalistika däl, eýsem täze tehnologiýalar bilen işleşmek, maglumatlary seljermek, jemgyýetçilik pikirini öwrenmek ýaly dersler hem girizilýär.
Žurnalistika ýaşlaryň dünýä bilen baglanyşygyny güýçlendirýär. Döwrebap habar beriş serişdeleri ýaş nesliň erjelligini, giň dünýägaraýşyny ösdürmäge ýardam berýär. Gahryman Arkadagymyz: «Žurnalistler döwrüň täzelikleri bilen aýakdaş gitmelidir» diýip belleýär.
Žurnalistikanyň taryhy hem baý. XIX asyryň ahyrynda rus dilinde çykarylan “Zakaspiýskoýe obozreniýe” gazetinden başlap, XX asyrda türkmen dilinde kanuny we kanuny däl gazet-žurnallar peýda boldy. Garaşsyzlyk ýyllarynda bolsa, metbugat düýpgöter özgertmelere sezewar boldy: täze milli neşirler döredildi, telewideniýe we radio gepleşikleri millilige ýugruldy.
Žurnalistika diňe bir habar bermek däl, eýsem jemgyýetiň ösüşine täsir edýän güýçli guraldyr. Türkmenistanda bu ugurda döredilen mümkinçilikler ýaşlaryň döredijilik ukybyny kämilleşdirmäge giň ýol açýar.
Meňli ATAMYRADOWA
Halkara ynsanperwer ylymlary we ösüş
uniwersitetiniň talyby
