Balkan welaýatynyň Balkanabat we Türkmenbaşy şäherlerinde Türkmenistanyň we Gazagystanyň sungat ussatlarynyň gatnaşmaklarynda dostluk konserti guraldy.
Konsert ýurdumyzyň Balkan welaýaty bilen Gazagystanyň Mangistau oblastynyň arasynda baglaşylan degişli Ähtnamany durmuşa geçirmegiň çäginde geçirildi. Oňa Balkan welaýat häkimliginiň, jemgyýetçilik guramalarynyň, edara-kärhanalaryň ýolbaşçylary, Mejlisiň deputatlary, bu sebitde ýaşaýan gazak milletiniň wekilleri, Gazagystan Respublikasynyň Türkmenistandaky Adatdan daşary we doly ygtyýarly ilçisi, Mangistau oblastynyň ýolbaşçylary, Aktau şäheriniň medeniýet bölüminiň aýdym-saz we tans toparlary gatnaşdylar.
Bu ýerde halkymyzyň milli el işleriniň, muzeý gymmatlyklarynyň, iki goňşy halkyň amaly-haşam sungaty eserleriniň sergisi hem guraldy.
«THE ASHGABAT TIMES».
