Düýn – 9-njy dekabrda Gurbanguly Berdimuhamedow adyndaky Howandarlyga mätäç çagalara hemaýat bermek boýunça haýyr-sahawat gaznasynyň «Awaza» milli syýahatçylyk zolagyndaky şahamçasynyň açylyş dabarasy boldy.
Türkmenistanyň Döwlet senasynyň astynda Garaşsyz, hemişelik Bitarap Türkmenistanyň Döwlet tugy belende galdyryldy. Soňra «Aýterek—Günterek» sazy belentden ýaňlanyp, Gurbanguly Berdimuhamedow adyndaky Howandarlyga mätäç çagalara hemaýat bermek boýunça haýyr-sahawat gaznasynyň baýdagy ýokary göterildi. Gaznanyň bejeriş işleri boýunça wise-prezidenti Oguljahan Atabaýewa gutlag sözi bilen çykyş edip, şahamçany açdy.
Täze şahamçanyň açylyş dabarasynyň «Häzirki zaman jemgyýetinde zenanlaryň orny: Durnukly ösüş maksatlaryna ýetmek ugrunda halkara hyzmatdaşlygy ösdürmek» atly halkara maslahatyň işi bilen utgaşyklykda bolup geçmegi oňa gatnaşan daşary ýurtly zenanlara ýatdan çykmajak ýakymly pursatlary bagyş etdi.
«THE ASHGABAT TIMES».
