Düýn – 9-njy dekabrda «Häzirki zaman jemgyýetinde zenanlaryň orny: Durnukly ösüş maksatlaryna ýetmek ugrunda halkara hyzmatdaşlygy ösdürmek» atly halkara maslahatyň çäklerinde türkmen milli tagamlarynyň sergisi guraldy.
Meýdançada gurnalan ak öýleriň hatary meýdança aýratyn görk berdi. Onuň öňünde gurlan tamdyrlarda mele-myssyk çörekler bişirilip, ojaklarda toý tagamlary gaýnady.
Gyz-gelinler supra ýaýyp, pişme, çelpek taýýarladylar. Bu täsin görnüşler, şeýle-de sergilenen dürli süýji tagamlar daşary ýurtly zenanlara milli aşhanamyzyň baý görnüşi bilen tanyşmaklaryna mümkinçilik döretdi.
«THE ASHGABAT TIMES».
