img 20251211 103619 THE ASHGABAT TIMES

Bitarap Watanymyzyň durmuş-ykdysady özgertmeleriniň beýany

11.12.2025

Şu gün ― 11-nji dekabrda Türkmenistanyň Söwda-senagat edarasynyň binasynda ýurdumyzyň hemişelik Bitaraplygynyň şanly 30 ýyllygy mynasybetli iki günlük sergi açyldy. Halkara parahatçylyk we ynanyşmak ýylynda geçirilýän bu sergi ata Watanymyzyň hemişelik Bitaraplygynyň 30 ýylynyň dowamynda ähli pudaklarda gazanan üstünliklerini beýan edip, garaşsyz ösüşiň ýolunda ykdysadyýetde, syýasatda, durmuş ulgamynda, medeni-ynsanperwer, ylym we tehnologik ugurlarda ýetilen belent sepgitleriň aýdyň güwäsine öwrülýär.

img 20251211 103214 THE ASHGABAT TIMES

Garaşsyz ýurdumyzyň ykdysady ösüşi bitaraplyk, diwersifikasiýalaşdyrmak, durnukly gülläp ösüş ýörelgeleriniň esasynda kemala gelýär. Hormatly Prezidentimiz sergä gatnaşyjylara iberen Gutlagynda bu barada belläp geçmek bilen, halkara hyzmatdaşlygy ösdürmäge gönükdirilen tagallalaryň ähmiýetine ünsi çekýär. Şoňa görä-de, bu giň möçberli sergä ministrlikleriň we pudaklaýyn dolandyryş edaralarynyň hünärmenleri, Senagatçylar we telekeçiler birleşmesiniň agzalary, türkmen işewürleri, şeýle hem daşary ýurt kompaniýalarynyň wekilleri gatnaşýarlar.

img 20251211 112426 THE ASHGABAT TIMES

Sergide ýurdumyzyň käbir ýokary okuw mekdepleriniň mugallymlarydyr talyplary hem işjeňlik görkezýärler. Hususan-da, birnäçe daşary ýurt dillerinden kämil baş çykarýan talyp ýaşlar degişli pawilýonlara wekilçilik edip, sergä gatnaşyjylary şu gezekki forumyň aýratynlyklary bilen tanyşdyrýarlar. Serginiň çäklerinde köpçülikleýin habar beriş serişdeleriniň wekilleri üçin ýörite media merkezi hereket edip, bu ýerde žurnalistleriň işlemegi üçin ähli mümkinçilikler döredilendir. Biz ― ýaş wagyzçylar serginiň çäklerinde, şeýle hem bu ýerdäki media merkezinde makalalary, tele we radiogepleşikleri, myhmanlar bilen interwýulary taýýarlap, forumyň ähmiýetini iň ýokary tizlikde şöhlelendirmekde möhüm işleri alyp barýarys.

img 20251211 103302 THE ASHGABAT TIMES

Buýsanç bilen bellesek, Halkara parahatçylyk we ynanyşmak ýylymyzda ýurdumyzda we daşary ýurtlarda Türkmenistanyň hemişelik Bitaraplygynyň şanly 30 ýyllygy mynasybetli dabaralar, sergilerdir forumlar guralýar. Şu gezekki sergi hem baýramçylyk dabaralarynyň özboluşly dowamydyr. Gözden geçirilişde Garaşsyz, hemişelik Bitarap Watanymyzda Gahryman Arkadagymyzyň hem-de hormatly Prezidentimiziň tagallalary bilen amala aşyrylýan halkara ähmiýetli başlangyçlaryň hem-de durmuş-ykdysady özgertmeleriň netijeleri aýdyň görünýär.

Gülşat PIRJANOWA,

Türkmen döwlet medeniýet institutynyň mugallymy, ýaş wagyzçy.

Leave a Reply

Your email address will not be published.

loader-image
Ashgabat
,
temperature icon
Humidity
Pressure
Wind
Wind Gust Wind Gust:
Clouds Clouds:
Visibility Visibility:
Sunrise Sunrise:
Sunset Sunset:
qyfae59i0myqwh5xecvzkqvorkdqwr 1500x800 1 THE ASHGABAT TIMES
Öňki taryh

Türkmenistanyň DIM-de “Parahatçylyk we sport” halkara guramasynyň Prezidenti we esaslandyryjysy bilen duşuşyk geçirildi

Soňkylar Makalalar

Hemişelik Bitaraplyk – hoşniýetliligiň binýady

10.12.2025
Täze taryhy döwrümizde ýurdumyz sebitde hem-de dünýäde, döwletleriň we halklaryň arasyndaky gatnaşyklarda parahatçylyk medeniýetini ilerletmäge aýratyn ähmiýet berip, bu babatda möhüm başlangyçlary öňe sürýär.

Zenanlaryň bähbidine hyzmatdaşlyk

10.12.2025
Ýurdumyz «Dialog — parahatçylygyň kepili» ýörelgesine eýermek bilen, gender syýasaty babatda anyk maksatlara gönükdirilen wezipeleri durmuşa geçirmäge jogapkärli çemeleşýär. Türkmenistanyň bu ugurdaky hereketleri halkara

Dostluk we ynanyşmak ýörelgelerine eýerip

10.12.2025
Ýurtlaryň we halklaryň arasyndaky parahatçylykly, dostlukly we netijeli gatnaşyklarda bitaraplyk ýörelgesiniň ähmiýeti iňňän uludyr. 2025-nji ýylyň «Halkara parahatçylyk we ynanyşmak ýyly» diýlip yglan edilmegi,

TÜRKMENISTANYŇ ADAM HUKUKLARY JARNAMASYNA GOŞULMAGY

10.12.2025
Berkarar döwletiň täze eýýamynyň Galkynyşy döwründe ýurdumyzyň halkara hukuk giňişligindäki ornuny berkidendigi onuň adam hukuklaryny goramak ulgamynda dünýä bileleşigi bilen hyzmatdaşlygyny pugtalandyrýan möhüm çözgütler

Parahatçylyk we ynanyşmak – döwrüň hakykaty

10.12.2025
Parahatçylyk ― ähli döwürleriň iň gymmatlygy baýlygy. Häzirki zaman diplomatiýasynda parahatçylygy gorap saklamak baş wezipeleriň biri hökmünde kesgitlenendir. Parahatçylykly gatnaşyklaryň özende bolsa özara ynama
GitTop