Berlin şäherinde «UZ Trade House Germany» atly söwda öýüniň açylyş dabarasy geçirildi. Oňa Özbegistanyň Germaniýadaky ilçisi Dilşod Ahatow, Germaniýanyň Kiçi we Orta Biznesler Federasiýasynyň ýolbaşçysy Andreas Ýan, Bundestagyň Ykdysadyýet we Energetika komitetiniň agzasy Saskia Ludwik hem-de söwda öýüniň direktory Žonny Bakos gatnaşdy.
Žonny Bakos bu söwda öýüniň özbek we nemes kompaniýalarynyň arasynda möhüm köpri bolup, «Made in Uzbekistan» brendli önümleri Germaniýa bazaryna çykarmaga mümkinçilik berjekdigini belledi. Söwda öýüniň şou-rumy Berliniň merkezinde, «Brandenburg derwezeleriniň» ýanyndaky «Adlon» myhmanhanasynda ýerleşýär.
Häzirki wagtda bu ýerde eksport ugruna gönükdirilen önümler — tekstil, oba hojalygy, azyk senagaty, elektrotehnika we beýleki pudaklardan görkezilýär. 2025-nji ýylyň ilkinji 9 aýynda Özbegistanyň daşary söwda dolanyşygy 59,8 mlrd dollar bolup, şondan 854,4 mln dollar Germaniýa degişli boldy.
