Türkmen halkynyň Milli Lideri, Türkmenistanyň Halk Maslahatynyň Başlygy Gurbanguly Berdimuhamedow doglan güni mynasybetli Azerbaýjan Respublikasynyň Prezidenti Ilham Aliýewe gutlag hatyny iberdi.
«APA»-nyň habaryna görä, bu barada Azerbaýjanyň Prezidentiniň metbugat gullugy maglumat berýär. Hususan-da, hatda dostlukly döwletiň Baştutanynyň ýolbaşçylygynda Azerbaýjan Respublikasynyň durmuş-ykdysady ösüşde uly üstünliklere ýetendigi we ýaşaýyş derejesiniň yzygiderli ýokarlanandygy bellenilýär.
Türkmen halkynyň Milli Lideri Gabalada geçirilen duşuşygy aýratyn mähirlilik bilen ýatlap, bu duşuşygyň Türki Döwletleriň Guramasynyň sammitine gatnaşmagyň barşynda bolandygy nygtalýar. Gahryman Arkadagymyz: «Bilelikdäki tagallalarymyz arkaly türkmen-azerbaýjan hyzmatdaşlygymyzyň doganlyk halklarymyzyň bähbidi üçin mundan beýläk-de ösjekdigine we çuňlaşjakdygyna berk ynanýaryn. Siziň uly şahsy goşandyňyz we ýurtlarymyzyň arasyndaky ikitaraplaýyn gatnaşyklary pugtalandyrmaga we ösdürmäge berýän çuňňur ünsüňiz üçin minnetdarlyk bildirmek isleýärin» diýip belleýär.
«THE ASHGABAT TIMES».
