Halkara Bitaraplyk güni mynasybetli Aşgabatda, Arkadag şäherinde we ýurdumyzyň welaýatlarynda Türkmenistanyň hemişelik Bitaraplygynyň 30 ýyllygyna hem-de Halkara parahatçylyk we ynanyşmak ýylyna bagyşlanan nyşanly harytlaryň we sowgatlaryň baýramçylyk söwdasy başlandy.
Söwda meýdançalary harytlaryň giň görnüşlerini, şol sanda dürli azyk önümlerini — un we däne önümlerini, ter miwe we gök önümleri, şeýle hem özboluşly türkmen süýjüliklerini, gawun we konditer önümlerini hödürleýärler.
Söwda nokatlarynda azyk önümlerinden başga-da sowgatlyk toplumlaryny, ýadygärlik sowgatlaryny, pul üçin gaplaryny, senenamalary we Täze ýyl baýramy üçin bezeg serişdelerini satyn alyp bolýar. Ýylky ýyly bolan 2026-njy ýylyň nyşanlary şekillendirilen harytlara aýratyn orun berilýär.
«THE ASHGABAT TIMES».
